AzMİU-nun adı dünya reytinq cədvəlinə düşüb

          Round University Ranking (RUR Ranking) – universitetlərin beynəlxalq reytinq sistemidir. Bu reytinq Rusiyanın RUR Agentliyi tərəfindən 2010-cu ildən bu günə qədər hər il nəşr olunur. Hər il Azərbaycan Memarlıq və İnşaat Universiteti bu bazaya məlumatları göndərərək bu reytinqə daxil olur. Bu Reytinq sistemində universitetlər 4 istiqamətdə 20 göstərici üzrə qiymətləndirilir: tədris, tədqiqat, beynəlxalq əlaqələr və maliyyə.

          Reytinqin əsas məqsədi ali təhsilə marağı olanları (abituriyentlər, tələbələr, akademik və elmi işçilər) cəlb etməkdir. “RUR ranking” 6 bölmə üzrə: humanitar, texniki, təbiət, sosial, bioloji və tibb elmləri üzrə hazırlanmışdır.

          2020-ci il üçün Reytinq sistemində dünyanın 829 nüfuzlu universitetləri yer almışdır.

          Azərbaycan Memarlıq və İnşaat Universiteti bu il 760-cı yerdə dünyanın müxtəlif  ən yaxşı universitetləri arasında siyahıya daxil olub. Qeyd etmək lazımdır ki, keçən il universitetimiz 775-ci yerdə qərarlaşmışdır.

          “RUR ranking” təşkilatın tam nəticələrini aşağıda qeyd olunan linkdən əldə edə bilərsiniz:

          https://roundranking.com/fact-files/azerbaijan-university-of-architecture-and-construction-o.html