Tələbələrimiz bilik yarışmasında fəallıq göstərib

        Bu gün Azərbaycan Memarlıq və İnşaat Universitetində Azərbaycan Respublikasının Prezidenti cənab İlham Əliyevin  doğum günü münasibətilə fakültələrarası  bilik yarışı keçirilib. Yarışda ümumilikdə 7  komanda qalibiyyət uğrunda mübarizə aparıb.
        Komandaların hər biri yarışda aktivlik göstərib.  Gərgin keçən oyunda suallar əsasən ölkə başçısının 2003-2019-cu illər  hakimiyyəti dövründə həyata keçirilən mühüm islahatları, tarixi hadisə və günləri  əhatə edib.   
        Yarışın sonunda isə qaliblər müəyyənləşib. 1-ci yerə Mexanika və informasiya texnologiyaları fakültəsi, 2-ci yerə  Nəqliyyat fakültəsi, 3-cü yerə isə Tikinti-iqtisad fakültəsinin komandası çıxıb. Qalib gələn komandalar qiymətli hədiyyələr və diplomlarla mükafatlandırılıb.