Tələbələrimiz Bakı Kitab Mərkəzində

      Azərbaycan Memarlıq və İnşaat Universitetinin (AzMİU) tələbələri gənclərin dünyagörüşünü genişləndirmək məqsədi ilə yaradılan “Yüksəl” layihəsi çərçivəsində Bakı Kitab Mərkəzində keçirilən tədbirə qatılıblar. 
      Tələbələrimiz Bakı şəhərinin tarixinin tədqiqatçısı Fuad Axundovun təqdimatında “Bakı XIX əsrin sonu – XX əsrin əvvəllərində” mühazirəsini dinləyiblər. F.Axundov Bakının zəngin tarixi və inkişafı barədə tələbələrə geniş məlumat verib. O, həmçinin, Bakının qədim dövrdən 1920-ci ilədək olan görüntülərini nümayiş etdirib, dinləyiciləri orijinal memarlıq abidələri ilə tanış edib, Bakının bədii simasında parlaq iz qoymuş memar və inşaatçılardan danışıb.  
      Sonda tələbələrə Bakının tarixinə dair kitablar hədiyyə olunub.