Bayraq Günü AzMİU-da fərqli qeyd olunub

     Azərbaycan Memarlıq və İnşaat Universitetinin (AzMİU) tələbələri xalqımızın tarixində mühüm yer tutan 9 noyabr - Dövlət Bayrağı Gününü fərqli formada qeyd ediblər. Universitetin Tələbə Həmkarlar İttifaqı Komitəsinin təşəbbüsü ilə Bayraq Gününə həsr olunmuş tədbir Azərbaycan Respublikasının dövlət himninin səslənməsi ilə başlayıb. 
     Sonra tələbələr “Qarabağ Azərbaycandır!” devizi altında ermənilər tərəfindən işğal olunmuş rayonlarımıza həsr olunmuş slaydları iştirakçılara təqdim ediblər. Slaydlarda işğal altında olan rayonlar haqqında (tarixi, ərazisi, əhalisi, əhalinin məşğulluq sahələri, tarix-mədəniyyət abidələri və s.) geniş məlumatlar verilib, mənfur düşmənlərimizin dövlətə və vətəndaşlara vurduqları maddi-mənəvi ziyanlardan danışıblar. Təqdimatın sonunda Azərbaycan bayrağı səhnədə dalğalandırılıb, “İşğal olunmuş bu torparlar bizimdir! Qarabağ Azərbaycandır! Qarabağda dalğalan,  bayrağım!” kimi şüarlar səslənib, o günün uzaqda olmamasına əminlik ifadə olunub.  
 

08-11-2019