Tələbələrimiz İTU-nun Yay məktəbində iştirak ediblər

          İkitərəfli əməkdaşlıq əlaqələri çərçivəsində Azərbaycan Memarlıq və İnşaat Universitetinin (AzMİU) 10 tələbəsi İstanbul Texniki Universitetində təşkil olunan yay məktəbi proqramında iştirak edib. Proqram çərçivəsində İnşaat mühəndisliyi ixtisasında oxuyan tələbələr “Materiallar müqaviməti 1” dərsini keçib, İTU-da tədris prosesi və tələbə həyatı ilə tanış olublar. 
          Memarlıq ixtisasında oxuyan tələbələr isə layihə yönümlü yay məktəbi proqramında iştirak edib, verilən ərazinin öncə təhlilini aparıb, daha sonra o əraziyə uyğun “Açıq İstanbul” başlığı altında layihələrini təyin edərək işləyiblər. Fərqli sistemlə layihələr işlədikləri üçün onlar gözəl təcrübə qazanıb, maketlə daha çox işləməyi öyrəniblər. 
          İstanbul Texniki Universiteti ilə AzMİU arasında həyata keçirilən və tələbələrimizin istər təhsil, istərsə də gələcək iş həyatında böyük əhəmiyyəti olan yay məktəbi təcrübəsinin gələcəkdə də davam etdirilməsi planlaşdırılır.