Müəllim və tələbələrimiz beynəlxalq şirkətin mükafatlarına layiq görülüblər

         Dünya miqyasında layihələndirmə və tikinti sahələrində proqram təminatının qlobal təchizatçısı olan Tekla Trimble şirkəti Azərbaycan Memarlıq və İnşaat Universitetinin (AzMİU) bir qrup müəllim və tələbəsini beynəlxalq sertifikatlarla təltif edib.            
         Təltif olunanlar Tekla Trimble şirkətinin Moskva ofisindən gəlmiş texniki konsultant Andrey Diduxin Universitetin Memarlıq və İnşaat fakültəsinin müəllim və tələbələri üçün keçirdiyi Tekla Structuresdan istifadə üzrə praktiki master-klasda fərqləniblər. Şirkətin nümayəndəsi  sertifikatlarla yanaşı, təltif olunanlara hədiyyələr də verib. 
           Onu da qeyd edək ki, sözügedən şirkət Azərbaycanda SOCAR Foster-Wheeler Engineering, Azfen, Tekfen, STP kimi böyük şirkətlərlə əməkdaşlıq edir. Azərbaycanın ali təhsil müəssisələri arasında isə ilk dəfə AzMİU ilə ikitərəfli əlaqələrin qurulması üçün ilkin addımlar atılıb.