Xəbərlər
20 Yanvar Ümumxalq Hüzn Günüdür!
 
Azərbaycan Memarlıq və İnşaat Universitetinin (AzMİU)  dünyanın müxtəlif ölkələrindən AzMİU-da oxuyan əcnəbi tələbələr Şəhidlər Xiyabanını ziyarət ediblər.
         Tələbələrə 20 Yanvar faciəsi, bu faciəni törədən işğalçı sovet rejimi, onun rəhbərliyi barədə məlumat verib. Bildirilib ki, 1990-cı il yanvarın 19-dan 20-nə keçən gecə sovet qoşunları paytaxtda, eləcə də bölgələrdə dinc əhaliyə amansəzcasına divan tutdu, günahsız insanlarımız həyatlarını itirdi. Həmin faciəli günlərdə öz ölkəsinin, xalqının azadlığını, şərəf və ləyaqətini hər şeydən uca tutan mərd Vətən övladları canlarından keçərək şəhidlik zirvəsinə ucaldılar. Lakin mənfur rejim xalqımızın mübarizlik əzmini, azadlıq istəyini boğa bilmədi. Azərbaycan canı, qanı bahasına müstəqilliyinə qovuşdu, 70 illik imperiya müstəmləkəsindən qurtuldu. Dekan müavini vurğulayıb ki, bu qanlı hadisələrdən illər keçməsinə baxmayaraq, xalqımız o müdhiş gecəni daim xatırlayır, bu faciəni törədənlərə öz dərin nifrətini bildirir. Xalqımızın qan yaddaşında əbədi yaşayacaq 20 Yanvar faciəsini respublikamız hər il ümumxalq hüzn günü kimi geniş qeyd edir.

2018-01-19 10:12:10